សម្ដេចតេជោ ហ៊ុន សែន លើកចិត្តឱ្យនគរបាលជាតិនៃសមាជិកអាស៊ានទាំង អស់ បន្តកិច្ចសហប្រតិបត្តិការបន្ថែមទៀត ទប់ស្កាត់ឱ្យខានតែបាននូវអំពើភេរវ កម្ម

  

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលើកចិត្តឱ្យនគរបាលជាតិនៃសមាជិកអាស៊ានទាំងអស់ បន្តកិច្ចសហ ប្រតិបត្តិការបន្ថែមទៀត ជាពិសេសទប់ ស្កាត់ ឱ្យខានតែបាននូវអំពើភេរវកម្មទាំង ឡាយណា ប្រែក្លាយអាស៊ានដោយគ្មានអំពើភេរវកម្ម ។

  ការលើកឡើងបែបនេះ របស់សម្តេចតេ ជោនាយករដ្ឋមន្រ្តីកម្ពុជា ក្នុងឱកាសសម្ដេចបានទទួលជួបពិភាក្សាការងារជាមួយប្រតិ ភូនគរបាលជាតិ នៃបណ្ដាប្រទេសសមាជិកអាស៊ាន នៅវិមានសន្តិភាព នាព្រឹកថ្ងៃទី៣ ខែមីនា ឆ្នាំ២០២២នេះ ។

   តាមឯកឧត្តមអ៊ាង សុផល្លែត ជំនួយការសម្ដេចតេជោហ៊ុន សែនបានឱ្យដឹងក្រោយបញ្ចប់ជំនួបនោះថា ក្នុងជំនួបនោះ សម្ដេចតេជោនាយករដ្ឋមន្រ្តី បានស្វាគមន៍ប្រតិភូនគរបាលជាតិនៃប្រទេសសមាជិកអាស៊ាន និងបានថ្លែងអំណរគុណចំពោះប្រតិភូទាំង អស់ ដែលបានអញ្ជើញមកចូលរួមសន្និ

សីទអាស៊ានណាប៉ូលលើកទី៤០ នៅរាជ ធានីភ្នំពេញនាពេលនេះ ស្របពេលដែលជំងឺកូវីដ១៩ កំពុងតែរាតត្បាត នៅទូទាំងពិភពលោក។

   សម្ដេចតេជោនាយករដ្ឋមន្ត្រីបានមានប្រ សាសន៍ថា កម្ពុជាក៏ជាប្រទេសមួយដែលរងនូវការរាតត្បាតដោយជំងឺកូវីដ១៩ដែរ ប៉ុន្តែដោយសារតែការចាក់ស្រោចនូវវ៉ាក់សាំងប្រឆាំងកូវីដ១៩ ទៅដល់ប្រជាពលរដ្ឋ មិន ថាតែពលរដ្ឋកម្ពុជាខ្លួនឯងទេ គឺទៅដល់ប្រជាពលរដ្ឋជនបរទេសដែលរស់នៅកម្ពុជាផងដែរ ដែលធ្វើឱ្យកម្ពុជាយើងអាចបើកដំណើរការប្រទេសជាតិឡើងវិញ កាលពី ដើមខែវិច្ឆិកាកន្លងទៅនេះ។

  ឆ្លៀតនៅក្នុងឱកាសនេះដែរ សម្ដេចតេជោនាយករដ្ឋមន្ត្រី បានសំដែងនូវក្តីរីករាយចំពោះកិច្ចសហប្រតិបត្តិការ រវាងនគរបាលជាតិនៃសមាជិកអាស៊ាន ដែលអាចទប់ ស្កាត់នូវអំពើភេរវកម្មទាន់ពេលវេលា។ ក្នុងន័យនេះ សម្តេចតេជោបានលើកចិត្តឱ្យនគរបាលជាតិនៃសមាជិកអាស៊ានទាំង អស់ បន្តកិច្ចសហប្រតិបត្តិការបន្ថែមទៀត ជាពិសេសទប់ស្កាត់ ឱ្យខានតែបាននូវអំពើភេរវកម្មទាំងឡាយណា ប្រែក្លាយអាស៊ានដោយគ្មានអំពើភេរវកម្ម។ សម្ដេចតេជោក៏បានលើកទឹកចិត្តផងដែរ ឱ្យនគរបាលជាតិនៃសមាជិកអាស៊ានទាំងអស់ចែក រំលែកនូវបទពិសោធន៍ព័ត៌មាន និងចង់ឱ្យនគរបាលជាតិនៃសមាជិកអាស៊ានក្លាយជាឯកអគ្គរដ្ឋទូតដើម្បីពង្រីកពង្រឹងទំនាក់ទំ នង រវាងប្រទេសផង និងពង្រឹងពាណិជ្ជកម្មរវាងប្រទេសអាស៊ាន និងក្នុងតំបន់ផង ។

      សម្ដេចតេជោ ក៏បានថ្លែងអំណរគុណចំពោះឯកឧត្តមប្រធានគណៈប្រតិភូ អាស៊ានណាប៉ូលទាំងអស់ ហើយក៏បានផ្ដល់នូវក្តីសង្ឃឹមថា ប្រតិភូទាំងអស់នឹងចូលរួមធ្វើឱ្យសន្និសីទនេះ ទទួលបាននូវភាពជោគជ័យ។

   ជាការឆ្លើយតប ប្រតិភូនគរបាលជាតិនៃសមាជិកអាស៊ាន បានគោរពប្ដេជ្ញាជូន ចំពោះសម្ដេចតេជោ ថា នឹងអនុវត្តតាមអនុ សាសន៍របស់សម្ដេចតេជោនាយករដ្ឋមន្ត្រី នឹងខិតខំប្រឹងប្រែងធ្វើយ៉ាងណាប្រែក្លាយតំបន់អាស៊ានឱ្យក្លាយទៅជាតំបន់នៃកិច្ចសហប្រតិបត្តិការ ប្រកបដោយសុខដុមនីយកម្ម ស្ថេរភាព និងសន្តិភាព៕